Hugiaqpagiqni Umiaqpait Aulataunit

Hunauva Hugiaqpagiqni Umiaqpait Aulataunit?

Nunaqaqaqtut katutyiqatit tagiuplu hinaani nunaliuyut ilauvaligumayut hulininut aulatauni nunalikni umiaqpait aulagiat.

Tapkuat Kavamatkut Kanata havaqatigiyumayai ahiilu piqatauyut aulaninut nunalikni tagiumi aulagiat pityutai tahapkuatut:

  • aulagiangi
  • kayumikni munagini
  • ihuityutit tapkunanga imakkuqni atuqtit
  • aktauni avatiliqutinut ilitquhiliqutitluniit ikpigilaqni inait

Tamna Hugiaqpagiqni Umiaqpait Aulataunit pigiagut pivaliatitniaqtai nunaqyuaqmi havagutit ikayuqninut hivuliqni qanuqtut aulaninik nunalikni aulagiat pityutai hivunikhami.

Pitaqnianik una, tapkuat Kavamatkut Kanata piniat:

  • Katimapkainiq tagiup hinaani nunaliit avikhimanini humiliqak Kanatami qiniqvigininut uqauhiqaqviuni pivaliatitninut nunaqyuaqmi Hugiaqpagiqni Umiiyaqtut Aulatauni havagutai.
  • Katipkaqni allatqinit piqatauyut ilautitlugit tagiup hinaani nunaliuyut, Nunaqaqaqtut katutyiqatit, havakvit, nunaqyuaqtat nunaliknilu kavamauyut, kavamatkungittutlu timigiyai.
  • Havagini uuktugutit havanguyut piqatigiplugit nunalikni nunaliuyut uuktugaqni naunaiyaqnilu naliat aulatyutit huliniit ilaliutinikhat nunaqyuaqmi havagutinut.

Katutyiqatigit Timiuyut

Hivuliqtiupluni timiuyuq, Aulatyutiligiyit Kanata havaqatiginiaqtai kavamatuqatkutni katutyiqatit tahapkuatut Kanatamiuni Tagiumi Munaqtit, Iqaluligiyit Tagiuqmiutaligiyitlu Kanata, tapkuatlu Avatiligiyit Hilaplu Ahianguqnia Kanata.

Aulatyutiligiyit Kanata havaqatigittiaqniaqmiyai Nunaqaqaqtut nunaliuyut, nunaqyuaqtani kavamait, naunaiyaiyit kavamatkungittut timingit, havakvitlu piqatauyut.

Qiniqni Uqauhiqaqvigiyatin

Tapkuat Kavamatkut Kanata ikayuqtauyumayut ilingnit pivaliatitninut nunaqyuaqmi havagutit aulatauninut nunalikni aulagiat pityutai pilugit atuqnikhai nunaliuyut atuqtitlu piyaqaqnit.

Imaittumik havagiyavut piqataupkaqni kangiqhimavaliquplugit nunalikni piyauyumayut, ihumaalutit ihuaqhautaulatlu.

Hunat Tuklikhat?

Piqatigini Nunaqaqaqtut katutyiqatit, tagiup hinaani nunaliuyut piqatauyutlu pigiaqniat ukiakhaani 2017.

Hatqiqtitnagavut tuhaqpaligakhat ubluinut, inikhai piqatauyutlu maniktakhait pilaqni talvani:
http://www.tc.gc.ca/eng/marinesafety/Community-Participation-Funding-Program-4445.html

More funding will become available to help partners and stakeholder access the system, after it is launched.

Tapkuat Hugiaqpagiqni Umiaqpait Aulataunit pigiagutit hulittauq hulinit tapkuat Kavamatkut Kanata piyai hapuhimaninut tapkuat nunaqyuap tagiup hinaaitni imaqtaitnilu. Tapkuat Kavamatkut hanivaiyut $1.5 bilian tapkunani Tagiut Hapuhimani Parnaut, tamna nunaqyuaqmi atugakhaliat pinguqtauninut hilaqyuaqmi-hivuliqni tagiumi hivuganaitnit havagutit piqaqtitai maniliugutit pilaqnit Kanatamiunut ublumi, huli hapuhimaplugit tagiup hinait hivunikhami kinguvakhanut.

Canada.ca/protecting-our-coasts

Date modified: