Proactive vessel management

ᑭᓲᕙ ᖃᓄᐃᑦᑕᐃᓕᓂᒃᑯᑦ ᐅᒥᐊᕐᓂᒃ ᐊᐅᓚᑦᑎᓂᖅ?

ᓄᓇᖃᖅᑳᖅᑐᑦ ᐃᓚᒋᔭᐅᔪᑦ ᓄᓇᓕᓖᓪᓗ ᓯᒡᔭᖅᐸᓯᕐᒥ ᖃᓄᐃᓕᐅᖃᑦᑕᕐᓂᖅᓴᐅᕚᓪᓕᕈᒪᔪᑦ ᐊᐅᓚᑦᑎᓂᕐᒥ ᓄᓇᓕᖕᒥ ᐅᒥᐊᒃᑯᑦ ᐃᖏᕐᕋᕙᖕᓂᖅ.

ᑲᓇᑕᐅᑉ ᒐᕙᒪᑐᖃᖓᑕ ᐱᓕᕆᖃᑎᒋᔪᒪᕙᖏᑦ ᐊᓯᖏᓪᓗ ᐃᓚᐅᖃᑕᐅᔪᑦ ᐊᐅᓚᑕᐅᓂᖏᓐᓄᑦ ᐃᖏᕐᕋᕙᖕᓂᕐᒧᑦ ᐱᔾᔪᑕᐅᕙᒃᑐᑦ ᓲᕐᓗ:

  • ᓇᐅᒃᑰᕐᓂᖅ
  • ᓱᒃᑲᔪᓐᓇᖅᑎᒋᓂᖅ ᐊᐅᓚᑕᐅᓂᖓ
  • ᐊᖏᖃᑎᒌᙱᓐᓂᖏᑦ ᑕᕆᐅᒃᑰᖅᑐᑦ
  • ᐊᒃᑐᐊᔭᐅᔪᑦ ᐊᕙᑎᒧᑦ ᐅᕝᕙᓘᓐᓃᑦ ᐃᓕᖅᑯᓯᕐᒧᑦ ᐱᒻᒪᕆᐅᔪᓄᑦ

ᖃᓄᐃᑦᑕᐃᓕᓂᒃᑯᑦ ᐅᒥᐊᕐᓂᒃ ᐊᐅᓚᑦᑎᓂᕐᒧᑦ ᐱᒋᐊᖅᑎᑕᐅᔪᖅ ᐋᖅᑭᒃᓱᐃᓛᖅᑐᖅ ᑲᓇᑕᓕᒫᒧᑦ ᑐᙵᕕᒋᔭᐅᔪᒥᒃ ᐃᑲᔪᓛᕐᒪᑦ ᓄᓇᓕᖕᓂ ᐃᖏᕐᕋᕙᖕᓂᕐᒧᑦ ᐱᔾᔪᑎᐅᓛᖅᑐᓂᒃ.

ᑕᒪᓐᓇ ᑎᑭᐅᑎᔭᐅᓂᐊᕐᒪᑦ, ᑲᓇᑕᐅᑉ ᒐᕙᒪᑐᖃᖓ:

  • ᑲᑎᒪᑎᑦᑎᓛᖅᑐᑦ ᐊᕕᒃᓯᒪᔪᓂ ᓯᒡᔭᖅᐸᓯᕐᓃᑦᑐᓂ ᑲᓇᑕᒥ ᑐᓴᖅᑎᑕᐅᓇᓱᒡᓗᑎᒃ ᐋᖅᑭᒃᓱᐃᓂᕐᒧᑦ ᑲᓇᑕᓕᒫᒧᑦ ᖃᓄᐃᑦᑕᐃᓕᓂᒃᑯᑦ ᐅᒥᐊᕐᓂᒃ ᐊᐅᓚᑦᑎᓂᕐᒧᑦ ᑐᙵᕕᒋᔭᐅᔪᒥᒃ.
  • ᑲᑎᑎᓛᖅᑕᖏᑦ ᐃᓚᐅᖃᑕᐅᔪᑦ ᓇᑭᙶᕈᓘᔭᖅᑐᑦ ᐃᓚᒋᔭᐅᓪᓗᑎᒃ ᓯᒡᔭᒥ ᓄᓇᓕᓖᑦ, ᓄᓇᖃᖅᑳᖅᑐᑦ ᐃᓚᒋᔭᐅᔪᑦ, ᐃᖅᑲᓇᐃᔮᖃᕐᕕᐅᕙᒃᑐᑦ, ᐳᓛᕕᓐᓰᑦ ᓄᓇᓖᓪᓗ ᒐᕙᒪᖏᑦ, ᐊᒻᒪᓗ ᒐᕙᒪᐅᙱᑦᑐᑦ ᑎᒥᐅᔪᑦ.
  • ᐆᒃᑐᕆᐊᕈᑕᐅᔪᓂᒃ ᐱᓕᕆᐊᒃᓴᖃᖃᑎᒋᓛᖅᑕᖏᑦ ᓄᓇᓖᑦ ᖃᐅᔨᓴᖅᑕᐅᓂᖏᓐᓄᑦ ᓇᓗᓇᐃᖅᑕᐅᓂᖏᓐᓄᓪᓗ ᓇᓕᐊᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᒃᓴᑦ ᐃᓚᐅᑎᑕᐅᓛᕐᒪᖔᑕ ᑲᓇᑕᓕᒫᒧᑦ ᑐᙵᕕᒋᔭᐅᔪᖅ.

ᐃᓚᒋᔭᐅᓪᓗᑎᒃ ᑎᒥᐅᔪᑦ

ᐱᓕᕆᕝᕕᖕᓂᑦ ᓯᕗᓕᖅᑎᐅᓪᓗᑎᒃ, ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᐱᓕᕆᖃᑎᖃᓛᖅᑐᑦ ᒐᕙᒪᑐᖃᒃᑲᓐᓂᙶᕐᒥᔪᓂᒃ ᓲᕐᓗ ᑲᓇᑕᒥ ᓯᑯᓯᐅᑎᑦ, ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ, ᐊᒻᒪᓗ ᐊᕙᑎᓕᕆᔨᒃᑯᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓ ᑲᓇᑕᒥ.

ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᖃᓛᕐᒥᔪᑦ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ, ᐳᓛᕕᓐᓰᑦ ᒐᕙᒪᖏᓐᓂᒃ, ᖃᐅᔨᓴᕐᓂᕐᒧᑦ ᒐᕙᒪᐅᙱᑦᑐᓂᒃ ᑎᒥᐅᔪᓂᒃ, ᐊᒻᒪᓗ ᐃᖅᑲᓇᐃᔮᖃᕐᕕᐅᕙᒃᑐᑦ ᐃᓚᐅᖃᑕᐅᔪᑦ.

ᐃᓕᖕᓂᑦ ᑐᓴᖅᑎᑕᐅᓇᓱᖕᓂᖅ

ᑲᓇᑕᐅᑉ ᒐᕙᒪᑐᖃᖓ ᐃᓕᖕᓄᑦ ᐃᑲᔪᖅᑕᐅᔪᒪᕗᑦ ᐋᖅᑭᒃᓱᖅᑕᐅᓂᖓᓄᑦ ᑲᓇᑕᓕᒫᒧᑦ ᑐᙵᕕᒋᔭᐅᔪᖅ ᐊᐅᓚᑕᐅᓂᖏᓐᓄᑦ ᐃᖏᕐᕋᕙᖕᓂᕐᒧᑦ ᐱᔾᔪᑕᐅᕙᒃᑐᑦ ᑎᑭᐅᑎᓗᓂ ᓄᓇᓕᖕᓄᑦ ᐊᑐᖅᑐᓄᓪᓗ ᐱᔭᐅᔭᕆᐊᓕᖕᓂᒃ.

ᑕᐃᒪᐃᓐᓂᖓᓄᑦ ᐃᓚᐅᖃᑕᐅᑎᑦᑎᓛᖅᑐᒍᑦ ᑐᑭᓯᕚᓪᓕᕋᓱᒡᓗᑕ ᓄᓇᓖᑦ ᐱᔪᒪᔭᖏᓐᓂᒃ, ᐃᓱᒫᓘᑎᖏᓐᓂᒃ ᐊᒻᒪᓗ ᐋᖅᑭᒋᐊᕈᑕᐅᑐᐃᓐᓇᕆᐊᓕᖕᓂᒃ.

ᑭᓱ ᐊᒡᒋᖅᐸ?

ᐃᓚᐅᖃᑕᐅᑎᑦᑎᓂᖅ ᓄᓇᖃᖅᑳᖅᑐᓂᒃ ᐃᓚᒋᔭᐅᔪᓂᒃ, ᓄᓇᓕᓕᖕᓂᒃ ᓯᒡᔭᒥ ᐊᒻᒪᓗ ᐃᓚᐅᖃᑕᐅᔪᓂᒃ ᐱᒋᐊᓛᖅᑐᖅ ᐅᑭᐊᒃᓵᖓᓂ 2017.

ᓴᖅᑭᑦᑎᒃᑲᓐᓂᓛᖅᑐᒍᑦ ᖃᐅᔨᒃᑲᐃᔾᔪᑎᓂᒃ ᐃᓪᓗᕐᓄᑦ, ᓇᓃᓐᓂᖏᓐᓄᓪᓗ ᐊᒻᒪᓗ ᐃᓚᒋᔭᐅᐅᔪᓄᑦ ᑮᓇᐅᔭᒃᓴᐅᔪᓐᓇᖅᑐᓂᒃ ᐅᕙᓂ:
http://www.tc.gc.ca/eng/marinesafety/Community-Participation-Funding-Program-4445.html

ᑮᓇᐅᔭᒃᓴᖅᑕᖃᒃᑲᓐᓂᓛᖅᑐᖅ ᐃᓚᒋᔭᐅᔪᑦ ᐃᓚᐅᖃᑕᐅᔪᓪᓗ ᐱᓕᕆᔾᔪᓯᕐᒥᒃ ᐱᔪᓐᓇᓛᕐᒪᑕ, ᐊᑐᓕᖅᑎᑕᐅᕌᓂᒃᐸᑦ.

ᖃᓄᐃᑦᑕᐃᓕᓂᒃᑯᑦ ᐅᒥᐊᕐᓂᒃ ᐊᐅᓚᑦᑎᓂᕐᒧᑦ ᐱᒋᐊᖅᑎᑕᐅᔪᖅ ᖃᓄᐃᓕᐅᕐᓂᐅᒃᑲᓐᓂᖅᐳᖅ ᑲᓇᑕᐅᑉ ᒐᕙᒪᑐᖃᖓᓄᑦ ᓴᐳᒻᒥᓂᕐᒧᑦ ᑲᓇᑕᐅᑉ ᓯᒡᔭᖏᓐᓂᒃ ᑕᕆᐅᒃᑰᕐᕕᐅᕙᒃᑐᓂᒡᓗ. ᒐᕙᒪᑐᖃᒃᑯᑦ ᐱᕈᖅᑎᑕᓕᐊᕆᔭᖃᖅᐳᑦ $1.5 ᐱᓕᐊᓐ ᑖᓚᓂᒃ ᑕᕆᐅᑦ ᓴᐳᒻᒥᔭᐅᓂᖏᓐᓂᑦ ᐸᕐᓇᐅᑎᒥ, ᑲᓇᑕᓕᒫᕐᒧᑦ ᐸᕐᓇᐅᑎᐅᓪᓗᓂ ᓴᓇᓂᕐᒧᑦ ᓄᓇᕐᔪᐊᕐᒥ ᐊᑐᖅᑕᐅᒐᔪᓛᖑᔪᒥᒃ ᑕᕆᐅᕐᒥᒃ ᐊᑦᑕᕐᓈᕿᑦᑕᐃᓕᒪᔾᔪᓯᕐᒥᒃ ᐱᕕᒃᓴᖃᖅᑎᑦᑎᓪᓗᓂ ᑮᓇᐅᔭᓕᐅᕐᓇᕈᓐᓇᖅᑐᓂᒃ ᐅᓪᓗᒥ ᑲᓇᑕᒥᐅᓄᑦ, ᓴᐳᒻᒥᑎᓪᓗᒍ ᓯᒡᔭᑦᑎᓐᓂᒃ ᓯᕗᓕᕇᒃᓴᕆᓛᖅᑕᑦᑎᓐᓄᑦ.

Canada.ca/protecting-our-coasts

Date modified: